Аудармашы

Браузердегі іштей орнатылған аудармашы кез келген нәрсені аударып береді: мәтін, суреттердегі жазбалар, сайттар мен құжаттар. Оған қоса, Браузерде видеоны қазақ және орыс тілдеріне аудару қолжетімді. Кадр сыртынан дыбыстау функциясының көмегімен бейнероликтерді бірден өз тіліңізде тамашалаңыз.

Аудармашының терезелері

Бұл режимде ағымдағы қойындыда орналасқан мәтін, сурет, сайт немесе видеоны аударуға болады.

Браузер тілі интерфейс тілінен өзгеше парақшаны аударуды ұсынады. Мәнмәтін мәзірі арқылы аудармашыны шақыртуға немесе жекелеген сөздер, суреттер немесе видеоны аударуға болады.

Парақшалар

Браузер жүктелген беттің тілін автоматты түрде анықтайды және егер ол интерфейс тілінен өзгеше болса, оны аударуды ұсынады. Сондай-ақ, аударма терезесін  батырмасына немесе  → Парақшаны аудару батырмасына басу арқылы шақыртуға болады.

  • Парақша мәтінін Браузер интерфейсі тіліне аудару үшін, терезеде Аудару батырмасын басыңыз. Бастапқы тілдегі бетті қайтару үшін терезеде Түпнұсқаны көрсету батырмасын басыңыз.

  • Егер сіз бетті басқа шет тіліне аударғыңыз келсе, оны терезесінде →Басқа тілге аудару батырмасын басу арқылы қолмен көрсетіңіз.

    Егер сіз парақшаны бір тілге аударып, содан кейін аударма тілін өзгерткен болсаңыз, онда суреттер автоматты түрде жаңа тілге аударылады.

  • Аударылған парақшаның мәтінін түпнұсқа тілде көру үшін тінтуір меңзерін сөйлемге апарыңыз. Түпнұсқа мәтін қалқымалы терезеде пайда болады.

    Егер мәтіні бар қалқымалы терезе пайда болмаса

    1. → Баптаулар → Құралдар тармағын басыңыз.

    2. Аудармашы бөлімінде Мәтіннің түпнұсқасы көрсетілген қалқымалы терезелерді көрсету опциясын қосыңыз.

Сөздер мен сөз тіркестері

Браузер парақшадағы жеке сөздер немесе ұсыныстарды орыс тіліне аудара алады. Сөздердің немесе сөз тіркестерінің аудармасын көру үшін оларды таңдап, мәтінмәндік мәзірде Аудару батырмасын басыңыз. Парақшада аудармасы бар терезе пайда болады.

Тілін өзгерту үшін батырмасын басып, қажеттісін таңдаңыз.

Мәтінді көшіріп алу үшін  батырмасын басыңыз.

Егер аудармашы жұмыс істемесе

Браузерде аудармашы әдепкі бойынша іске қосылады. Сіз бұрын аудармашыны қолмен өшірмегеніңізге көз жеткізіңіз:

  1. → Баптаулар → Құралдар тармағын басыңыз.

  2. Аудармашы бөлімінде келесі опциялар қосулы болуы керек:

    • Тілі интерфейс тілінен өзгеше парақшаларды аударуды ұсыну;

    • Ерекшеленген сөздер мен сөз тіркестерін аудару;

    • Суреттерді аудару батырмасын көрсету.

Суреттерді аудару

Бір сурет

Суретке тінтуірдің оң жақ батырмасымен басыңыз және мәтінмәндік мәзірде Суретті аудару тармағын таңдаңыз.

Қалған суреттерді аудару үшін:

  1. Тінтуір сілтеуішін суретке апарыңыз, кейін ашылған панеліне басыңыз.

  2.   → Суретті аудару батырмасын басыңыз.

Ескерту

Егер сурет шағын болса, онда аудармашы батырмасы көрінбейді. Суретке тінтуірдің оң жақ батырмасымен басыңыз және мәтінмәндік мәзірде Суретті аудару тармағын таңдаңыз.

Бүкіл суреттерден аудармашы батырмасын жасыру үшін тінтуір меңзерін кез келген суретке бағыттап,  → Батырманы жасыру батырмасын басыңыз.

Сіз аудармашы батырмасын әркез қайтара аласыз. Ол үшін суретке тінтуірдің оң жақ батырмасымен басып, мәнмәтін мәзірінен Суретті аудару немесе Түпнұсқасын көрсету батырмасын басыңыз.

Ескерту

Егер аудармашы батырмасын оны жасырғаннан кейін бірден қайтарғыңыз келсе, онда панелін көру үшін парақшаны жаңартыңыз.

Суреттің түпнұсқасын қарау

Суреттің түпнұсқасын көру үшін төмендегі әдістердің бірін қолданыңыз:

  • Тінтуір сілтеуішін суретке апарыңыз, кейін ашылған панеліне басыңыз. Түпнұсқаны көрсету батырмасын басыңыз.

  • Суретке тінтуірдің оң жақ батырмасымен басыңыз және мәтінмәндік мәзірде Түпнұсқаны көрсету батырмасын басыңыз.

  • Тінтуір меңзерін суретке бағыттап,  → Түпнұсқаны көрсету батырмасын басыңыз.

Егер сурет аударылмай жатса

Егер суретте белгішесі пайда болса, оны аудару мүмкін болмады. Аудармашы анықтығы жеткіліксіз суретті, курсивті немесе қолмен жазылған мәтінді танымайды.

Егер сурет кішкентай болса (мысалы, мәтіні бар батырма), аударма жасырулы тұруы мүмкін. Оны көру үшін тінтуір сілтеуішін суретке апарыңыз.

Егер аудармашы жұмыс істемесе

Браузерде аудармашы әдепкі бойынша іске қосылады. Сіз бұрын аудармашыны қолмен өшірмегеніңізге көз жеткізіңіз:

  1. → Баптаулар → Құралдар тармағын басыңыз.

  2. Аудармашы бөлімінде келесі опциялар қосулы болуы керек:

    • Тілі интерфейс тілінен өзгеше парақшаларды аударуды ұсыну;

    • Ерекшеленген сөздер мен сөз тіркестерін аудару;

    • Суреттерді аудару батырмасын көрсету.

Бүкіл суреттер

  1. Қолмен немесе автоматты түрде парақшаны аударыңыз.

  2. Ашылған Парақша <Тіл атауы> тіліне аударылды терезесінде Барлық суреттерді аудару батырмасын басыңыз.

Ескерту

Сайтта мәтіні бар суреттер болмаған кезде терезе ашылмайды.

Парақша мен суретті түпнұсқа тілінде қарау үшін терезедегі Түпнұсқаны көрсету батырмасын басыңыз.

Видеоны аудару және дыбыстау

Браузер видео аудара алады:

  • ағылшын, француз, неміс, испан, итальян, қытай, жапон және кәріс тілдерінен — орыс тіліне;

  • орыс және ағылшын тілдерінен — қазақ тіліне.

Ерлердің дауысын ер адамның дауысы, әйелдердің дауысын әйел адамның дауысы дыбыстайды.

Шектеу

Технология әлі жасақталып жатыр, сондықтан кейбір видеоларды әлі аудара алмаймыз.

Видеоны орыс немесе қазақ тілінде қарау үшін:

  1. Тінтуір меңзерін роликке бағыттаңыз.

  2. Аудару және дыбыстау немесе батырмасын басыңыз. Видео сіздің тіліңізде дыбыстала бастайды.

Видеоны аудару бірер уақыт алуы мүмкін. Бәрі дайын болған кезде сізге қалқымалы хабарлама келеді.

Егер түпнұсқасына оралғыңыз келсе, Аударманы сөндіру немесе батырмасын басыңыз.

Шектеу

Браузер аудара алатын видеоның максималды ұзақтығы – 4 сағат.

Түпнұсқа видеоның дауысын өзгерту

Егер сіз аударылған видеоны көріп отырсаңыз, түпнұсқа видеоның дауысын өзгертуге болады:

  1. Тінтуір меңзерін роликке бағыттаңыз.

  2. таңбасын басыңыз.

  3. Қажетті деңгейді Түпнұсқаның дауысы деген жылжыма арқылы орнатыңыз.

Видеоның тілі анықталмады немесе дұрыс анықталған жоқ

  1. Тінтуір меңзерін роликке бағыттаңыз.

  2. Үстіндегі  таңбасына басыңыз.

  3. Видеоны аудару бөлімінде қажетті тілді таңдаңыз. Келесі жолы Браузер аудару үшін соңғы таңдалған тілді пайдаланатын болады.

Видеоны аудару аяқталғаны туралы хабарлама жоқ

Хабарламаның қосулы тұрғанын тексеріп алыңыз:

  1. → Баптаулар → Сайттар тармағын басыңыз.

  2. Хабарландырулар бөлімінде Яндекс сервистерінен батырмасын басыңыз.

  3. Яндекс Браузердегі қойындыда Видеоны аудару опциясын қосыңыз.

Егер видео аударылмай жатса

Мәселені мына тәсілдердің бірімен шешіп көріңіз:

  • Браузер баптауларын тексеріңіз:

    1. → Баптаулар → Құралдар тармағын басыңыз.

    2. Аудармашы бөлімінде Видеода аударма батырмасын көрсету опциясы қосулы тұрғанын тексеріп алыңыз.

  • Аудармашы дұрыс істеу үшін соңғы нұсқадағы Браузер қажет.

    1. Нұсқасын қарау үшін  → Көмек → Браузер туралы батырмасын басыңыз.

    2. Егер жаңартым қолжетімді болса, парақшада Жаңарту батырмасы болады. Соған басып, Браузердің жаңартылғанын күтіңіз. Әдетте ол бір минуттан аспайтын уақыт алады.

  • Браузерді қайта іске қосыңыз.  → Қосымша → Браузерді жабу батырмасын немесе Ctrl + Shift + Q пернелер үйлесімін басыңыз, кейін оны қайтадан ашыңыз.

  • Аударманы бұғаттап тұрған кеңейтімді ажыратып тастаңыз:

    1. Басыңыз   → Кеңейтімдер және бүкіл кеңейтімдерді сөндіріп тастаңыз.

    2. Браузерді қайтадан іске қосыңыз: оны Ctrl + Shift + Q (Windows және Linux жүйелерінде) немесе ⌘ + Q (macOS жүйесінде) пернелер үйлесімінің көмегімен жауып, кейін қайтадан ашыңыз.

    3. Браузерге бұрынырақ қосылған беттің сақталған көшірмесі жүктелмеу үшін кешті тазартыңыз.

    4. Егер қиындық жоғалса, іріктеу әдісі арқылы оны туғызатын кеңейтімді табыңыз. Әр қосқан сайын Браузерді қайта іске қосыңыз.

    5. Бұл кеңейтімді сөндіріңіз. Сіз сондай-ақ оның әзірлеушілеріне қиындықтуралы жаза аласыз.

Тікелей эфир

Браузер видеоларды тікелей эфирде аудара алады (стримдер, тікелей трансляциялар). YouTube-арналарда сіз трансляцияларды нақты уақыт режимінде орыс тілінде тамашалай аласыз.

Нейрожелі аудиожолды бірден бүтін күйде алатын алдын ала жазылған роликтерге қарағанда тікелей трансляциялардың аудармасы ілеспе аударма сияқты «қатарласып» істейді. Анықтап ажырату және дыбыстау үшін уақыт қажет, сондықтан аударма трансляцияның басынан емес, бірнеше секундтан кейін басталады.

Субтитрлер

Яндекс Браузер аудара алатын видеолар үшін субтитрлер көрсете алады. Субтитрлерді түпнұсқа тілінде, аударма тілінде, сондай-ақ, орыс және ағылшын тілдеріндегі видеоларда қосуға болады. Субтитрлер кез келген сайттарда кез келген видео мен онлайн трансляциялар үшін қолжетімді. Субтитрлерді қосу және баптау үшін:

  1. Тінтуір меңзерін роликке бағыттаңыз.

  2. таңбасына немесе Субтитрлер батырмасына басыңыз. Егер таңба болмаса, басып, Субтитрлер опциясын қосыңыз.

  3. Субтитрлерді баптаңыз:

    • Тілі — сіз түпнұсқа немесе аударма тілін таңдай аласыз. Егер видеода субтитрлер бар болса, Яндекстің емес, сервистің субтитрлерін көрсетуге болады.

    • Сөздерді ерекшелеу — дәл қазір айтылып жатқан сөз ерекшеленіп көрсетіледі. Шетел тілін үйреніп жатқандар, сондай-ақ, караоке сүйер қауым үшін пайдалы. Опция тек түпнұсқа тіліндегі субтитрлер үшін қолжетімді.

    • Безендіру — сіз қаріп өлшемін таңдай аласыз, субтитрлер фонының мөлдірлігін баптай аласыз және Динамикалық өлшем опциясын қоса аласыз. Опция қосулы тұрған кезде субтитрлердің өлшемі видео тұрған терезенің өлшемдерімен бірге өзгеріп отырады.

Ескерту

Субтитрлердегі сөздің аудармасын қарау үшін белгісіз сөзге басыңыз — қалқымалы терезеде сөз бен фразаның аудармасы көрсетіледі, ал видео тоқтатылады. Әрі қарай қарау үшін видео тұрған терезенің кез келген жеріне басыңыз.

Шет тіліндегі емлені тексеру

Браузер енгізу формаларында емлені тексереді (мысалы, поштамен жұмыс кезінде).

Енгізілген сөздікпен емлені тексеруді қосу

  1. → Баптаулар → Жүйелік тармағын таңдаңыз.

  2. Тіл және аймақ баптауларын ашыңыз.

  3. Емлені тексеру бөлімінде Тілді қосу түймесін басыңыз.

  4. Тілдер терезесінің сол жағында тілді таңдаңыз.

    Ескерту

    Егер тізімде қажетті тіл болмаса, Тіл және аймақ баптаулары парақшасына оралыңыз. Парақшаларды көрсету тілі бөлімінде Тілді қосу батырмасын басыңыз және браузер қолдайтын тілдердің толық тізімінен қажеттіні таңдаңыз.

Пайдаланушы сөздігіне сөз қосу

Мәтінді енгізген кезде Браузер бейтаныс сөздердің астын сызып, көрсетеді. Егер сіз асты сызылған сөздің жазылуы дұрыс екендігіне сенімді болсаңыз, оған тінтуірдің оң жақ батырмасымен басып, Сөздікке қосу пәрменін таңдаңыз.

Сіз пайдаланушы сөздігін өңдей аласыз:

  1. → Баптаулар → Жүйелік тармағын таңдаңыз.

  2. Тіл және аймақ баптауларын ашыңыз.

  3. Емлені тексеру бөлімінде Пайдаланушы сөздігі батырмасын басыңыз.

  4. Сөздікті өңдеңіз:

    4.1. Беттің жоғарғы оң жақ бұрышындағы Қосу батырмасын басыңыз.

    4.2. Сөзді енгізіңіз.

    4.3. Қосуды басыңыз.

    4.1. Тінтуір меңзерін қажетті сөзге апарыңыз.

    4.2. Оң жақта Жою батырмасын басыңыз.

Аударма баптаулары

Әдепкі аударманы қосу

Белгілі бір тілдегі парақшаларды Браузер рұқсатты сұрамай-ақ, аудару үшін:

  1. Әдепкі бойынша аударманы қосқыңыз келетін тілде кез келген бетті ашыңыз.

  2.  →  → Басқа тілге аудару батырмасын басыңыз.

  3. Әрқашан <тіл атауы> тілінен <тіл атауы> тіліне аудару опциясын қосыңыз.

  4. Аударуды басыңыз.

Әдепкі аударманы өшіру

  1. Аударманы өшіргіңіз келетін тілде кез келген бетті ашыңыз.

  2.  →  → <Тіл атауы> тілінен аударма ұсынбау батырмасын басыңыз.

  1. → Баптаулар → Жүйелік тармағын таңдаңыз.

  2. Тіл және аймақ баптауларынашыңыз.

  3. Беттерді көрсету тілі бөлімінде таңдалған тілді жойыңыз.

Әдепкі аударманы қайтару

  1. Аударманы қайта қосқыңыз келетін тілде кез келген бетті ашыңыз.

  2.  →  батырмасын басыңыз және <Тіл атауы> тілінен аударуды ұсынбау опциясын өшіріңіз.

  1. → Баптаулар → Жүйелік тармағын таңдаңыз.

  2. Тіл және аймақ баптауларынашыңыз.

  3. Беттерді көрсету тілі бөлімінде Тілді қосу батырмасын басыңыз.

  4. Браузердің қолданатын тілдерінің толық тізіміндегі тілді таңдаңыз.

Парақша тілін автоматты түрде анықтауды жақсарту

1. → Баптаулар → Құралдар тармағын басыңыз.

2. Аудармашы бөлімінде Аударма сапасын жақсарту үшін Яндекске мәтін үзінділерін жіберу опциясы қосулы екендігіне көз жеткізіңіз.

Аудармашыны өшіру

Егер сіз Браузердің шет тіліндегі парақшаларды аударуды ұсынғанын қаламасаңыз:

  1. → Баптаулар → Құралдар тармағын басыңыз.

  2. Аудармашы бөлімінде Тілі интерфейс тілінен ерекшеленетін беттерді аударуды ұсыну опциясын өшіріңіз.

  1. → Баптаулар → Құралдар тармағын басыңыз.

  2. Аудармашы бөлімінде Ерекшеленген сөздер мен сөз тіркестерін аудару және Меңзерді қою және Shift түймесін басу арқылы сөздерді аудару опцияларын өшіріңіз.

  1. → Баптаулар → Құралдар тармағын басыңыз.

  2. Аудармашы бөлімінде Суреттерді аудару батырмасын көрсету опциясын сөндіріңіз.

  1. → Баптаулар → Құралдар тармағын басыңыз.

  2. Аудармашы бөлімінде Видеода аударма батырмасын көрсету опциясын ажыратып тастаңыз.

Қолдау қызметіне жазу
Алдыңғы
Баптау туралы сұрақтар
Келесі
Алисамен сөйлесу