3 желтоқсанда «Щедрый вторник» («Жомарт сейсенбі») күні бүкіл әлем бойынша миллиондаған адамдар өздерінің қайырымдылыққа қатысуы, сонымен бірге өздері сенетін және көмектесетін ұйымдар туралы айтады. Осы күні елдегі қайырымдылықты қолдау мақсатында Yandex Qazaqstan бастаған «Щедрый ноябрь» («Жомарт қараша») қайырымдылық науқаны аяқталады.
Қараша бойы Яндекс Go сервистерін пайдаланушылар «Щедрый ноябрь» («Жомарт қараша») игі бастамасына қосыла алды. Ол үшін жұма күндері таксиге, жеткізілімге немесе тамаққа тапсырыс беру жеткілікті болды. Компания Такси мен Доставка (Жеткізу) сервистерінің барлық тарифіндегі әрбір 10 шақырымға қайырымдылыққа 1 теңге аударды. Ал Еда (Тамақ) сервисінде 3000 теңгеден басталатын әрбір жұма күнгі тапсырыс жалпы салымға тағы да 10 теңгеден қосты. Yandex Qazaqstan науқанның бес күні ішінде алынған соманы ұлғайтты. Науқанның қорытындысы бойынша «Sonnect-Ed», «ITeachMe», «Қорғау — дағдарыс орталығы» және «Күншуақ» («Солнечный мир») қайырымдылық ұйымдарына 9,2 миллион теңге аударылады.
Мадина Нұржанова ,
Connect-ed операциялық менеджері
Мұндай науқандар цифрлық теңдік сияқты маңызды әлеуметтік мәселелерге назар аударуға көмектеседі, ал бұл оларды шешу үшін жүйелі тәсілді қажет етеді. Атап айтқанда, ол көптеген адамдардың өмір сүру деңгейіне айтарлықтай әсер ететін цифрлық теңсіздік мәселесіне қатысты — маңызды ақпаратқа қол жеткізуден бастап, өз бетімен таксиге шақыру және тәуелсіз болу қабілетіне дейін. «Щедрый ноябрь» («Жомарт қараша») науқанының арқасында біз өз қызметіміз туралы айтып қана қоймай, жобаларымызды іске асыру үшін қаржылық қолдау алдық.
Yandex Qazaqstan бастаған «Щедрый ноябрь» («Жомарт қараша») науқаны елімізде үшінші рет өтті. Бұл елдегі қайырымдылықты қолдау жобаларының бірі. Мысалы, Яндекс Go Қазақстандағы бірнеше қайырымдылық ұйымдарының қамқорлығына алынған адамдарға тегін сапарлар мен жеткізілімдерді ұйымдастыруға көмектеседі. Жоба басталғаннан бері 600-ден астам адам көмек алды — 18 мыңнан астам сапар мен жеткізілім жасалды.
2024 жылы науқанға қатысушы қайырымдылық ұйымдары туралы:
● ITeachMe — мүгедектігі бар адамдарға арналған білім беру бағдарламаларын ұсынатын құзыреттілікті дамыту орталығы. Ұйым адамдарға қоғаммен біте қайнасуға және өз еңбек құқықтарын жүзеге асыруға көмектесу арқылы soft және hard skills үйретуге бағытталған. 1000-нан астам түлек, олардың 90%-ы жұмысқа орналастырылған, оқудан өткен. Қоғамдық қор жаңа жобаларды белсенді түрде дамытып, мүгедектігі бар адамдардың әлеуметтік және кәсіби интеграциялануына мүмкіндік туғыза отырып, хакатондар өткізеді.
● Күншуақ (Солнечный мин) — Даун синдромы бар адамдарға және олардың отбасыларына жан-жақты қолдау көрсететін қор. Ұйым балалармен олардың өмірінің әртүрлі кезеңінде: туылғаннан бастап жұмысқа орналасқанға және ересек өмірге аяқ басқанға дейін жұмыс істейді. Астанада 400-ден астам отбасы көмек алып, ал бүкіл республика бойынша консультациялық қолдау алуда. Қордың миссиясы — Қазақстанда Даун синдромы бар адамдардың өмір сүру сапасын жақсарту.
● «Қорғау — дағдарыс орталығы» зорлық-зомбылық көрген әйелдер мен балаларға көмек көрсетеді. Дағдарыс орталықтарында зардап шеккендер психологтер мен заңгерлерден тегін кеңес ала алады, сондай-ақ олар балаларымен 6 айға дейін баспаналарда тұра алады. Орталықтар Астана, Көкшетау, Қарағанды, Екібастұз, Жезқазған және Алматы қалаларында жұмыс істейді, жыл сайын 200-ден астам бала мен әйелге баспана беріп, 1500-ден астам әйелге консультациялық қолдау көрсетеді.
● Connect-Ed — цифрлық теңдікке қол жеткізуге бағытталған қазақстандық қор. Ұйым әлеуметтік осал топтарға цифрлық дағдылар мен технологияларға қолжетімділікті қамтамасыз ете отырып, білім беру жобаларын іске асырады.
Тегтер
Байланыс деректері
«Yandex Qazaqstan» компаниясының баспасөз қызметі
Электрондық пошта: pr_kz@yandex-team.com