Қараша айында Yandex Qazaqstan «Щедрый ноябрь» («Жомарт қараша») қайырымдылық науқанын өткізеді. Әрбір пайдаланушы жұма күндері Яндекс Go сервистерінде тапсырыс бере отырып, бастаманың бір бөлігі бола алады.
Компания Такси мен Доставка сервистерінің барлық тарифтерінде қайырымдылыққа әрбір 10 км үшін 1 теңге аударады. Ал Еда сервисінде қорлар әрбір жұма күнгі тапсырыс үшін 3000 теңгеден 10 теңге алады.
Жиналған қаражат «Сonnect-Ed», «ITeachMe», Қорғау — дағдарыс орталығы» және «Күншуақ әлемі» қайырымдылық ұйымдары арасында тең бөлінеді. Әр қордың жұмысы туралы Яндекс Go қолданбасынан толығырақ білуге болады.
Yandex Qazaqstan ұсынған «Щедрый ноябрь» («Жомарт қараша») науқаны елімізде үшінші рет өтеді. Бұл компанияның КЕҰ-ны қолдау жөніндегі жобаларының бірі. Компанияның бірнеше серіктес ұйымдарының қамқорлығындағы және олардың бейінді мамандары тұрақты жұмыс істейтін қайырымдылық бағдарламасы шеңберінде Яндекс Go-да тегін сапарлар мен жеткізілімдер алады.
«Күншуақ әлемі» ҚҚ президенті Евгения Чеботаревская: «Біз Даун синдромына шалыққан адамдар мен олардың отбасыларын қолдаймыз. Yandex Qazaqstan-мен ынтымақтастық жасау — біздің жұмысымыз туралы көп адамға айтудың тамаша мүмкіндігі. Yandex сервистерінің көптеген пайдаланушыларының бірігуі арқасында көмек көбейіп келеді, демек, көп отбасылар қолдау алады».
«IteachMe» қоғамдық қорының негізін қалаушы Захира Оңғарбайқызы Бегалиева: «Yandex Qazaqstan ұсынған „Щедрый ноябрь“ („Жомарт қараша“) сияқты жобалар IteachMe-дегі оқуға және кәсіби өсуге мұқтаж жандарға мүмкіндіктер жасау жөніндегі миссиямызды тікелей қолдайды. Қатысудың қарапайымдылығы — таксиге, жеткізуге немесе тамаққа тапсырыс беру арқылы — қайырымдылықты барлық адамдарға қолжетімді етеді, ал бұл біздің көп адамның өмірін жақсы жаққа өзгертуге көмектесе алатынымызды білдіреді».
Науқанның қорытындысы 3 желтоқсанда шығарылады — «Щедрый вторник» күні («Жомарт сейсенбі») — бұл халықаралық қайырымдылық күні, онда әлемнің түкпір-түкпірінен миллиондаған адамдар қалай көмектесетінін айтады, ал бизнес пен коммерциялық емес ұйымдар науқандар мен іс-шараларды өткізу үшін бірігеді.
Өткен жылғы науқанда жиналған қайырымдылықтардың арқасында қорлар маңызды бастамаларды жүзеге асырды. Мысалы, «Тепло» («Жылу») эко-жобасы жаңа қойма ашып, су тасқынынан зардап шеккендерге гуманитарлық көмек көрсетті. «АРДИ» ДЦП-ға шалдыққан балаларды оңалтуға ақша жіберді — орталыққа қажетті құрал-жабдықтарды сатып алды. Omirge sen қоры қамқорлығындағы адамдарға қажетті жөтелдіргіш аппараттар сатып алды. Ал «Вместе против рака» («Қатерлі ісікке қарсы бірге») ұйымы онкология тақырыбында ағартушылық роликтер жасады.
«Щедрый ноябрь» науқанының («Жомарт қарашаның) қорытындысы бойынша Yandex Qazaqstan 2023 жылы қайырымдылық ұйымдарына барлығы 6 миллион теңге берді.
2024 жылы науқанға қатысушы қайырымдылық ұйымдары туралы:
● ITeachMe — мүгедектігі бар адамдарға білім беру бағдарламаларын ұсынатын орталық. Ұйым Soft және Hard дағдыларын үйретуге назар аударып, адамдарға қоғаммен біте қайнасуға және өз еңбек құқықтарын жүзеге асыруға көмектеседі. 1000-нан астам түлек, олардың 90% — ы жұмысқа орналастырылып, оқудан өткен. Орталық жаңа жобаларды белсенді дамытады, сондай-ақ әлеуметтік және кәсіби ықпалдастыққа мүмкіндіктер жасай отырып, хакатондар өткізеді.
● Күншуақ әлемі — Даун синдромына шалдыққан адамдарға және олардың отбасыларына жан-жақты қолдау көрсететін қор. Ұйым балалармен олардың өмірінің әртүрлі кезеңдерінде жұмыс істейді: туылғаннан бастап жұмысқа орналасуға және ересек өмірге дейін. Астанада 400-ден астам отбасы көмек, сондай-ақ бүкіл республика бойынша консультативтік қолдау алуда. Қордың миссиясы — Қазақстанда Даун синдромына шалдыққан адамдардың өмір сүру сапасын жақсарту.
● «Қорғау — дағдарыс орталығы» зорлық-зомбылық көрген әйелдер мен балаларға көмек көрсетеді. Дағдарыс орталықтарында зардап шеккендер психологтар мен заңгерлерден тегін кеңес ала алады, сондай-ақ баспаналарда балаларымен бірге 6 айға дейін тұра алады. Орталықтар Астана, Көкшетау, Қарағанды, Екібастұз, Жезқазған және Алматы қалаларында жұмыс істейді, жыл сайын 200-ден астам бала мен әйелге баспана беріп, 1500-ден астам әйелге консультациялық қолдау көрсетеді.
● Connect-Ed — цифрлық теңсіздікпен күресуге бағытталған қазақстандық бастама. Ұйым білім беру жобаларын іске асырып, әлеуметтік тұрғыдан осал топқа цифрлық дағдылар мен технологияларға қолжетімділікті қамтамасыз етеді.
Тегтер
Байланыс деректері
«Yandex Qazaqstan» компаниясының баспасөз қызметі
Электрондық пошта: pr_kz@yandex-team.com