25 қыркүйекте Алматыда Яндекс музейі — цифрлық технологиялардың эволюциясына арналған ақылды қалалық кеңістік ашылды. Оның келушілері технологиялар мен видео ойындардың тарихымен таныса алады — мысалы, Apple Macintosh Classic-те жұмыс істеу, Dendy және Sony PlayStation-да ойнау және технологияның бүгінгі күні қалай дамып жатқанын танып білу. Сондай-ақ музейде тегін экскурсиялар өтеді, ал болашақта ИТ-индустриясы мен заманауи өнерге арналған көрмелер мен дәрістер жоспарлануда.
Музейде көрермен назарына есептеу эволюциясының негізгі кезеңдерін көрсететін интерактивті экспозиция ұсынылған. Мысалы, қонақтар әртүрлі дәуірлердегі негізгі компьютерлерді — Commodore 64, ZX Spectrum, Atari 65XE, Macintosh Performa 630 IBM PC 300GL, Apple iMac G3, бала кезінен таныс ойын консольдері: бірінші Sony PlayStation, әйгілі Sega Mega Drive, NES (Nintendo Entertainment System) және SNES (Super Nintendo), сондай-ақ ең танымал ойындары бар аркада автоматтарын көре алады.
Ретро компьютерлер мен консольдер толығымен жұмыс істейді, құрылғыларды пайдалану тегін. Музей қонақтары өткен заманның операциялық жүйелерді зерттей алады, қолданбаларды іске қоса алады және ретро ойындар ойнай алады.
Музейде Yandex Qazaqstan технологиялар аймағына жеке орын бөлінген. Мысалы, келушілер роботтың әлемді қалай көретінін және объектілерді танитынын көрсететін робот жеткізушінің лидар бұлтын көре алады. Ал виртуалды ассистент Алиса бар құрылғылардың стендінде онымен қазақ және орыс тілдерінде сөйлесуге болады.
Болашақта Яндекс Музейде ересектер мен балаларға арналған тегін көрмелер, дәрістер мен мастер-кластарын өткізуді жоспарлап отыр. Олар өткен және қазіргі технологияларға, әртүрлі құрылғыларға, сондай-ақ заманауи өнерге арналады.
Музейде Яндекс дүкені де бар. Онда сіз Яндексте ойлап тапқан киім мен аксессуарлар топтамаларын сатып ала аласыз. Мысалы, жақында Алматыда пайда болған робот жеткізушілері бар футболка және олардың кішкентай модельдері. Yandex Qazaqstan Музейді іске қосу үшін арнайы заттардың шектеулі коллекциясын жасап шығарды. Оған футболкалар, белдік сөмке, төсбелгілер, кружкалар және басқа да пайдалы заттар кіреді. Яндекс дүкенінен тауарларды Kaspi.kz және Ozon.kz дүкендерінен де сатып алуға болады.
Музей Алматыдағы Әл-Фараби даңғылы 11/1 мекенжайындағы Yandex Qazaqstan кеңсесінде орналасқан. Ол күн сайын сағат 10-нан 20-ға дейін жұмыс істейді.
Тегтер
Байланыс деректері
«Yandex Qazaqstan» компаниясының баспасөз қызметі
Электрондық пошта: pr_kz@yandex-team.com