Yandex Qazaqstan Яндекс Карты қолданбасына баспалдақтар мен тік өрлерді айналып өту мүмкіндігін қосты

Yandex Qazaqstan Карты қолданбасында жаяу жүргіншілер мен велосипедшілерге арналған навигацияны жаңартты. Енді Қазақстандағы пайдаланушылар жолдарында баспалдақтар мен тік өрлер азырақ кездесу үшін аса жеңіл бағыттарды таңдай алады. Бағыттың егжей-тегжейлілігін бұғатталған экранда да бақылауға болады, ал діріл қажет бұрылысқа дейін телефонға қайта-қайта алаңдай бермеуге көмектеседі.

Яндекс Карты қолданбасы биіктіктің алмасуы мен пандустары бар баспалдақтардың санын талдап, пайдаланушыға бағытты өз талаптарына сәйкес икемдеуге ұсынады. Мысалы, оны ыңғайлы ету — дөңес жерлердің аз болуы. Сонымен бірге бағытты құру кезінде «Избегать лестниц» (Баспалдақтарды айналып өту) опциясын қосуға болады: сол кезде қолданба баспалдағы жоқ балама жолды ұсынады, ал егер ол мүмкін болмаса, пандустары бар баспалдақтарды ескереді.

Пайдаланушылар жол бойы телефонға аз қарап, зарядты үнемдей алады — бағыт туралы мәліметтер iOS үшін Live Activity режимінде немесе Android үшін виджетте бұғатталған экранда да қолжетімді болады. Сонымен қатар қолданба пайдаланушыға оның қажетті бұрылысқа жақындап қалғанын дірілмен ескертетін болады.

Қазір жаңа опциялар Android және iOS үшін Яндекс Карты қолданбасында қолжетімді. Оларды пайдалану үшін қолданбаны соңғы нұсқаға дейін жаңарту немесе оны Google Play Market немесе App Store арқылы жүктеп алу қажет.

Yandex Qazaqstan — машиналық оқыту және нейрожелілер негізінде өнімдер мен сервистер жасайтын технологиялық компания. Яндекс Қазақстан пайдаланушылардың өмірін жақсартуға және цифрлық ортаны дамытуға бағытталған инновациялық технологияларды әзірлеумен және ендірумен айналысады. Елде компанияның 10-нан астам сервисі, соның ішінде іздеу порталы, таксиге, жеткізуге және тамаққа онлайн тапсырыс беру, бұлт сервистері және геосервистер, ойын-сауық сервистері, сондай-ақ білім беру жобалары жұмыс істейді.

Яндекс Карты — жаяу немесе көлікпен, мысалы, автомобильмен немесе автобуспен жетуге болатын маршруттар құруға көмектесетін навигациялық қолданба. Сонымен қатар ол арқылы қажетті орындарды тауып, басқа да күнделікті жұмыстарды орындауға болады. Бүгінде Қазақстанда Яндекс Карты сервисін ай сайын 3,5 миллионнан астам адам пайдаланады. Яндекс Карты қолданбасын да Яндекстің басқа сервистері сияқты қазақ тілінде пайдалануға болады: Поиск, Такси, Еда, Доставка.