Алматыда Yandex Qazaqstan компаниясының жеткізуші роботтары пайда болды. Олар объектілерді танып, маршрутты жоспарлап, қала бойынша қатынай алады. Жаяу жүргіншілерге жол беріп, кедергілерді айналып өтеді. Бастапқы кезеңде роботтар Яндекс Go пайдаланушыларына тапсырыстарды «алтын шаршы» ауданындағы мерймаханалар мен кафелерден жеткізетін болады.
Жеткізуші роботтар «темір сайманынан» бастап софт-шамдарына дейін толықтай компания ішінде өндірілген. Роботтардың төрт түрлі сенсоры бар, атап айтқанда: лидарлар, радарлар, камералар және ультрадыбыстық датчиктер. Мұндай қондырғылар айналадағы 100 метрге дейін кеңістікті көруге мүмкіндік жасайды. Ал қаланың дәлдігі жоғары картасы роботтарға мекенжайды адаспай табуға, нейрожелі — бағдаршамдар, жол белгілері мен инфрақұрылымның басқа да объектілерін оқуға мүмкіндік береді. Жетегінде алты дөңгелек пен жұмсақ аспа жеткізушіге биіктігі 10 саниметрге дейін жететін бордюрге шығуға мүмкіндік береді. Жеткізу жәшігінің сыйымдылығы — 60 литр. Мұндай сандықшаға алты үлкен пицца және екі литрлік төрт бөтелке су салуға болады.
Жаңабек Олжас Нұржанұлы,
Алматы қаласы цифрландыру басқармасының жетекшісі
Технологиялар күн санап жетіліп жатыр. Адам еңбегін жеңілдету үшін роботтар біртіңдеп күнделікті өміріміздің бір бөлшегіне айналып келеді. Жеткізуші-роботтар осыған дәлел. Олар қаламызды анағұрлым экологиялық таза және қолайлы ете түседі, сонымен қатар өз клиенттеріне жаңа қызметтерді ұсына алатын бизнестің дамуына ықпал ететіні сөзсіз
Бастапқы кезеңде роботтар тапсырыстарды «Антрекот», «Токио Рамен», Yasuda Sushi, The green station, Double Coffee мейрамханалары және «Дружба» қалалық кафеден қабылдайды. Жеткізудің мұндай түріне тапсырысты Яндекс Go қосымшасынан сағат 11:00–ден бастап түнгі бірге дейін беруге болады. Егер жеткізуші робот бос болса, онда ол тапсырысты әкеп береді. Тапсырысты алып кету үшін роботқа жақындап, қосымшадағы «Қақпағын ашу» түймесін басу жеткілікті.
Yandex Qazaqstan әрі қарай жеткізуші роботтардың жеткізу аясын кеңейтіп, қызметке жаңа мейрамханалар мен кафелерді қосуды жоспарлап отыр. Мейрамханалар үшін тамақты робот арқылы жеткізу — жаңа клиенттерді тарту және сервисті жақсартудың тамаша тәсілі. Жеткізуші роботтар жауын, боран болсын жұмыс істейді, тапсырысты уақытылы жеткізіп, пайдаланушылардың қызығушылығын оятады.
Жеткізуші роботтар Яндекс Карталардан да көріне бастады: енді навигация режимінде жолды сары белгі орнына жеткізуші робот көрсетіп отырады. Жаңа курсорды қосу үшін қосымшаны жаңартып, «навигация» бөліміне кіріп, роботты таңдау керек.
Фото мен скриншоттарды Яндекс Дискте табуға болады.
Yandex Qazaqstan туралы
Yandex Qazaqstan — машиналық оқу және нейрожелі негізінде өнімдер мен сервистерді шығаратын технологиялық өндіріс. Компания пайдаланушылардың өмірін жақсартып, Қазақстанда цифрлық ортаны дамытуға бағытталған инновациялық технологияларды әзірлеп, енгізумен айналысады. Қазір елде іздеу қызметі, қалалық, бұлтты және ойын-сауық сервистері жұмыс істеп тұр. Сонымен қатар әзірлеушілер білім беру және әлеуметтік жобларды дамытумен айналысады.
Тегтер
Байланыс деректері
«Yandex Qazaqstan» компаниясының баспасөз қызметі
Электрондық пошта: pr_kz@yandex-team.com