Мектептегі сабақтар жоғары сынып оқушыларына арналған. Оқыту ФМБ НЗМ (физика-математика бағытындағы Назарбаев Зияткерлік Мектебі) базасында өтеді.
Сабақтарда жоғары сынып оқушылары Python бағдарламалау тілінде әзірлеу негіздерімен танысады. Балалар тілдің негізгі ұғымдарын, құрылымдары мен кітапханаларын үйренеді. Сабақтар аптасына екі рет бір жарым сағаттан жүзбе-жүз өтеді.
Жобаға қатысу толығымен тегін. Қабылдау сынақтарының қорытындысы бойынша мектепке 20 оқушы түсті.
Исмаилова Индира ,
Шымкент қ. ФМБ НЗМ директоры
Біз Шымкенттегі Yandex Бағдарламалау мектебінде алғашқы оқушыларымызды қарсы алуға қуаныштымыз. Бұл жоба жастар алдында жаңа көкжиектер ашады және оларға технологиялар әлеміне енуге мүмкіндік береді. Python тілін үйрену олардың болашақ мансабына маңызды қадам болатынына және сыни ойлау мен креативтілікті дамытуға көмектесетініне сенімдімін.
Жанали Қуандықов ,
Parasat AJ мектебінің оқушысы p>
Мен өз өмірімді IT-мен, атап айтқанда киберқауіпсіздік саласымен байланыстырғым келеді. Себебі қазір көптеген киберқылмыстар жасалуда, соның ішінде телефон алаяқтықтары да бар. Мен адамдардың алаяқтарға алданып қалуын қаламаймын, адамдардың қорғалғанын қалаймын. Сондықтан жаздың басында мен YouTube-тегі тегін сабақтардың арқасында бағдарламалау негіздерін өзім үйрене бастадым. Енді Яндекс Бағдарламалау мектебінде оқуды жалғастырамын.
Яндекс Бағдарламалау мектебі— Қазақстанда 2017 жылдан бастап іске асырылып келе жатқан 14-17 жастағы оқушыларға арналған Python тілінде бағдарламалау негіздерін зерделеу жөніндегі халықаралық жоба. Бұған дейін жоба Алматы мен Астанадағы оқу орындарының базасында жұмыс істеген, 2023 жылдан бастап жобаға Петропавл, Қостанай және Талдықорған мектептері қосылды. 2024 жылы Шымкентте Бағдарламалау мектебі іске қосылды. 2023 оқу жылында Бағдарламалау мектебінің курсын 98 оқушы сәтті аяқтады.
Жоба Яндекс Go қолдауымен жүзеге асырылуда.
Тегтер
Байланыс деректері
«Yandex Qazaqstan» компаниясының баспасөз қызметі
Электрондық пошта: pr_kz@yandex-team.com