Алматы қаласы Әкімдігінің қолдауымен Яндекс Go Алматыда самокатпен қауіпсіз жүруді үйрететін ашық мектептер ұйымдастырады. Оқыту қалада самокаттарды пайдалану кезінде қауіпсіздік ережелерін қолдануды түсіндіру және жаттықтыруға бағытталған.
Самокатпен қауіпсіз жүруді үйрететін мектептің сабақтары 17, 18, 25, 31 тамыз күндері Қазыбек би к-сі, ҚБТУ кіреберісі мен Солтүстік саябақтың арасындағы шаршы алаңда, сондай-ақ, 24 тамыз күні IQ BBQ фестивалі кезінде өтеді. Алдын ала тіркелу керек емес. Мұндай оқытудан қаланың 18-ден асқан кез келген ересек тұрғыны тегін өте алады.
Яндекс Go-дың самокатпен қауіпсіз жүруді үйрететін мектебі алғаш рет 2023 жылы өткен болатын. Мектептегі оқытудан 9000-нан астам адам өтті.
Оқыту бағдарламасы автомектептегі оқыту сияқты құрастырылған. Теориялық бөлімде қатысушылар самокатпен жолда жүру ережелерін оқиды, мысалы, бір дербес мобильділік құралына екі адам мініп жүруге тыйым салынатындығын, ал жаяу жүргінші өткелінің алдында міндетті түрде самокаттан түсіп, оны ұстап, жаяу өту керектігін үйренеді. Нұсқаушылар жолда жүру ережелерінде бекітілмеген, бірақ, қала тұрғындарына самокатты қауіпсіз әрі мәдениетті жүргізуге септігін тигізетін басқа да қауіпсіздік шараларын түсіндіреді. Мысалы, самокатпен сапар кезінде құлаққаппен музыка тыңдауға немесе телефонға жалтақтай беруге болмайды.
Мектептің практикалық бөлімінде қатысушылар самокатқа мініп, «тас жолға» өтеді. Жаттығатын трек үш бұрылыстан тұрады, онда «баяулатқыш», жаяу жүргінші өткелі, «ирелең жол» және жолда жүру ережелеріне сәйкес самокаттың дұрыс тұрағы бар. Оқытудың практикалық бөлімінің жаттығулары қала тұрғындарына самокаттарды дұрыс және жол қозғалысының барлық қатысушылары үшін қауіпсіз пайдалануды жаттықтыруға, дербес мобильділік құралдарын сенімді басқаруға көмектеседі.
Сабақтар қаланың шынайы инфрақұрылымын қайталайтын: жол жабыны, жол сызықтары мен белгілері бар арнайы қоршалған қауіпсіз алаңда нұсқаушылардың басшылығымен өтеді. Оқыту кезінде бәрі шлем киеді.
Темірлан Тоғызбаев ,
Яндекс Go Самокаттары сервисінің басшысы
Самокат — ыңғайлы әрі қауіпсіз көлік түрі, бірақ, оған жауапты және ересек пайдаланушы ғана міну керек. Біз үшін қауіпсіздік — маңызды басымдық, сондықтан біз 18-ден асқан адамдар үшін самокатпен қауіпсіз жүруді үйрететін Мектептер өткіземіз. Бұл маңызды ережелерді түсінудің және тәжірибелі нұсқаушының бақылауымен самокатпен жүруді үйренудің ыңғайлы әрі тегін мүмкіндігі.
Мектептер — қауіпсіздік саласындағы Яндекс Go кикшеринг жобаларының бірі. Соңғы жылда біз 9000-нан астам адамға электросамокаттарды дұрыс әрі әдеппен пайдалануды үйренуге көмектестік. Яндекс Go самокаттары қаланың «баяу» аймақтарында жылдамдықты мәжбүрлеп шектеуге арналған IOT-модульмен жабдықталған.
Тегтер
Байланыс деректері
«Yandex Qazaqstan» компаниясының баспасөз қызметі
Электрондық пошта: pr@yandex-team.com