Yandex Qazaqstan жүргізушілерге IT-мамандықтарды үйрету бағдарламасын ұзартты

Ай сайын Яндекс Go сервисі серіктестерінің үздік жүргізушілері мына курстардың бірін тегін оқи алады: Python тілінде бағдарлама жасақтау негіздері, деректерді талдауға арналған SQL дағдылары немесе Figma-дағы дизайн негіздері. Курста жүргізушінің өзі немесе оның туысқаны оқи алады.

Яндекс Go серіктестерінің жүргізушілерін IT-мамандықтарға үйрету бағдарламасы 2023 жылы іске қосылған болатын. Бөлінген 130 орынға компания оқудан өткісі келетіндерден 1700-ден астам өтініш алды. Осы жылы  қабылдау ай сайын өтетін болды. Енді ай сайын қолданбадағы рейтингі жоғары және бір ай ішінде ең көп сапар орындаған 50 үздік жүргізушіге оқудан өту ұсынылады.

Бағдарламаның шарттары бойынша жүргізуші курстан өзі өте алады немесе оны өзінің туысқанына немесе досына бере алады. Оқыту Яндекс Практикум платформасында онлайн өтеді, курсқа қолжетімділік біржола қалады. Курстан өту үшін компьютер, жақсы интернет және сабақтан өтуге күніне бір-екі сағат бөліп отыру жеткілікті.

Бағдарлама үш курсты қамтиды. Python тілінің негізгі қағидалары бойынша курс базалық синтаксисті, функциялардың негізгі түрлері мен құрылымдық деректерді үйретеді. Деректер және сараптамамен жұмыс істеуге арналған базалық SQL бойынша курста SQL сұраулар тілінің негіздерін үйренуге және PostgreSQL — деректерді басқарудың танымал жүйесін меңгеруге болады. Figma-дағы дизайн негіздері бойынша курс қарапайым мәселелерді шешу үшін негізгі дизайн ережелерін қолдануды және үлгі бойынша қарапайым макеттер жасауды (логотип, баннер, лендинг, мобильді қолданба) үйретеді.

Курстарды Яндекстің тәжірибелі кәсіпқой мамандары жасайды және олар практикалық бағытқа ие. Оқу аясында студенттер кәсіби портфолио бөлігіне айналатын және болашақта мансаптық мүмкіндіктерді іздеуге көмектесетін өз жобаларын жасайды.

Жүргізушілерді IT-курстарда оқыту — бұл Yandex Qazaqstan-ның IT-білім қолжетімділігін кеңейтуге арналған жобаларының бірі. Сондай-ақ, Қазақстанда жоғары сынып оқушыларына арналған Яндекстің бағдарламалау мектептері істейді, ал IT-кәсіпкерлік саласында қыздарға қолдау көрсетуге арналған халықаралық бағдарлама Яндекстің қаржылық, сарапшылық және менторлық қолдауымен өтеді.