Yandex Qazaqstan Қазақстандағы әлеуметтік маңызы зор жобаларды қолдауға бағытталған жаңа бастама — Қоғамға арналған технологиялар орталығының іске қосылуы туралы хабарлайды. Орталық қоғам үшін маңызды тапсырмаларды жылдам әрі тиімді шешу үшін қазақстандық ғылыми-зерттеу қауымдастығының өкілдерін Yandex Cloud технологияларымен және сараптамасымен біріктіреді.
Қоғамға арналған технологиялар орталығы жобаларды төрт бағыт бойынша қолдайды: ғылым мен білім, денсаулық сақтау, экология, мәдениет. Қатысуға өтінімдер ғылыми ұйымдардан, жоғары оқу орындарынан, зерттеу командаларынан, техникалық мамандықтарда оқитын студенттерден, әзірлеушілер мен бизнес өкілдерінен қабылданады. Орталық жобаларға сарапшылар көмегін, бұлттық технологиялар мен Yandex Cloud машиналық оқыту құралдарына еркін кіру және пайдалану, сонымен қатар, шешімдерді дамытуға арналған ресурстарды ұсынады.
Орталық басымдығында — Қазақстандағы өмір сүру сапасын жақсарта алатын және масштабтауға әлеуеті бар жобалар. Орталық командасында осындай жобаларды жүзеге асыру үшін қажет тәжірибе мен сараптама бар. Олардың қатарында қар барыстарын тануға бағытталған жоба — нейрожелілер көмегімен ғалымдардың жұмысын жеңілдетіп, популяция санын қорғауға мүмкіндік беретін тиімді шаралар қолданылған жоба. Сонымен қатар, өнеркәсіп мекемелеріне техникалық газдарды бөлуге бақылау жасап, апаттар боған жағдайда жылдам әрекет етуге көмектесетін, атмосфераға зиянды заттарды бөлуге мониторинг жасау технологиясы да бар. Денсаулық сақтау саласындағы жобалардың арасында сирек кездесетін spina bifida ақауын жүктіліктің ерте мерзімдерінде анықтауға арналған нейрожелі бар.
Арыстанбек Джолдасбеков,
Қазақстандағы және Орталық Азиядағы Yandex Cloud бас директоры
Біз Яндексте технологиядардың көмегімен әлеуметтік маңызы зор мәселелерді шешудің жолын табуға болады деп сенеміз. Мақсатымыз — құндылықтарымызды қолдайтын және әлеуметтік мәселелерді шешуге ұмтылатын жандардың баршасына технологияларды қолжетімді ету. Кейбір жобалардың бастапқы кодын ашу арқылы біз оларды басқа командалардың қолдануына мүмкіндік жасаймыз. Орталық жобаларды әр кезеңде — идеядан бастап прототипке дейінгі аралықта қолдай алады. Егер сіздің жобаңыз біздің бағыттарға жақын болса және даму әлеуеті болса, өтінім беріңіз — шешімін бірге табайық!
Жобалар келесі критерийлер бойынша таңдалады: қоғамдық маңыздылығы зор, ғылыми негіздемесі және технологиялық енгізу мүмкіндігі бар. Қатысу үшін толық критерийлер мен өтінім үлгісін Қоғамға арналған технологиялар орталығының сайтынан табуға болады.
Тегтер
Байланыс деректері
«Yandex Qazaqstan» компаниясының баспасөз қызметі
Электрондық пошта: pr_kz@yandex-team.com